Məlumatlarınla necə davranırıq

Bu səhifə komandaya müraciət platformasında paylaşdığın məlumatlarla necə davrandığımızı izah edir. Platforma yalnız bir məqsəd üçündür: erkən mərhələli texnologiya startupının ilkin komandasını seçmək. Son yenilənmə: sentyabr 2026.

Kim məsuldur

Məlumatların bu platformanı idarə edən layihə komandası (founder) tərəfindən toplanır və saxlanılır. Sualların və tələblərin üçün əlaqə: zaur.qasimov@millisec.az

Hansı məlumatlar toplanır

Müraciət zamanı özün daxil etdiyin məlumatlar: ad, soyad, e-poçt, telefon, şəhər, könüllü paylaşdığın LinkedIn, Instagram və ya portfolio linkləri, təhsil və ya hazırkı status məlumatları, vaxt imkanın, bacarıqlarına verdiyin qiymətlər, açıq suallara cavabların, gözləntilərin və verdiyin təsdiqlər.

Seçim prosesində yaranan məlumatlar: praktiki tapşırıq göndərişlərin (mətn, link və ya fayl), görüş və sınaq mərhələsində komandanın daxili qeydləri və qiymətləndirmələri, müraciətinin hansı mərhələdə olduğu.

Texniki məlumatlar: saytın hansı kanaldan açıldığı (məsələn, sosial şəbəkə linki və ya kampaniya parametrləri), müraciətin hansı mərhələyə qədər tamamlandığı, giriş zamanı IP ünvanı və brauzer məlumatı (yalnız təhlükəsizlik jurnalı üçün).

Nə üçün istifadə olunur

Müraciətini qiymətləndirmək, rol uyğunluğunu müəyyən etmək, səninlə əlaqə saxlamaq, praktiki tapşırıq, görüş və sınaq mərhələlərini idarə etmək, müraciətlərin hansı kanallardan gəldiyini anlamaq və platformanın təhlükəsizliyini təmin etmək üçün. Məlumatların reklam məqsədilə istifadə edilmir və satılmır.

Avtomatik qərar verilmir

Sistem cavablarını oxumağa kömək edən daxili göstəricilər hazırlaya bilər (məsələn, rol uyğunluğu tövsiyəsi və ya əlavə yoxlama işarəsi). Bunlar yalnız komandaya kömək üçündür; heç bir müraciət avtomatik rədd edilmir, bütün qərarları insanlar verir. Yaş, cins, milliyyət və bənzəri xüsusiyyətlər qiymətləndirmədə istifadə olunmur.

Kimlər görə bilər

Yalnız seçim prosesinə cavabdeh komanda üzvləri, rollarına uyğun səviyyədə. Görüş aparan şəxslər yalnız özlərinə təyin olunmuş namizədləri görür. Daxili ballar, qeydlər və tövsiyələr namizədə göstərilmir. Məlumatların üçüncü tərəflərlə paylaşılmır; yalnız platformanın işləməsi üçün istifadə etdiyimiz hosting və e-poçt göndərmə xidmətləri texniki olaraq məlumatları emal edir.

Çərəzlər və yaddaş

Sayt yalnız zəruri çərəzlərdən istifadə edir: müraciət sessiyan (müraciətini davam etdirmək üçün), admin sessiyası və saytın hansı kanaldan açıldığını yadda saxlayan texniki çərəz. Reklam və izləmə çərəzləri yoxdur. Yazdığın cavablar yarımçıq qalarsa, brauzerin yaddaşında müvəqqəti saxlanıla bilər ki, əlaqə kəsilsə itməsin.

Nə qədər saxlanılır

Müraciətin seçim prosesi davam etdiyi müddətdə və nəticədən sonra ən çox 12 ay saxlanılır ki, gələcəkdə açılan rollar üçün səninlə yenidən əlaqə saxlaya bilək. Bu müddətdən sonra məlumatlar silinir və ya anonimləşdirilir. İstənilən vaxt daha tez silinməsini tələb edə bilərsən.

Məlumatların qorunması

Məlumatlar şifrələnmiş əlaqə (HTTPS) üzərindən ötürülür və girişi məhdudlaşdırılmış verilənlər bazasında saxlanılır. Namizəd məlumatlarına hər giriş və dəyişiklik daxili jurnalda qeydə alınır. Göndərdiyin fayllar yalnız icazəli komanda üzvləri üçün əlçatandır.

Sənin hüquqların

İstənilən vaxt tələb edə bilərsən: hansı məlumatlarının saxlandığını öyrənmək, səhv məlumatı düzəltmək, müraciətini geri çəkmək, məlumatlarının tam silinməsini. Silinmə tələbini 14 gün ərzində icra edirik. Təhlükəsizlik jurnalındakı bəzi texniki qeydlər anonimləşdirilmiş formada saxlanıla bilər.

Dəyişikliklər

Bu siyasət yenilənərsə, dəyişiklik bu səhifədə dərc olunur və yuxarıdakı tarix yenilənir.

Əlaqə

Suallar, düzəliş və silinmə tələbləri üçün: zaur.qasimov@millisec.az